फुङलिङस्थित शान्ति आविमा बिद्यालय व्यवस्थापन समिति गठन,अध्यक्षमा एङदेन चयन

उज्यालो पोष्ट
ताप्लेजुङ,भदौ ३० । ताप्लेजुङको फुङलिङ नगरपालिकास्थित शान्ति आधारभूत बिद्यालयको व्यवस्थापन समिति अध्यक्षमा सन्तबहादुर एङदेन चयन हुनु भएको छ ।

व्यवस्थापन समितिका तत्कालिन अध्यक्ष प्रेमलाल कालिकोटेको २०८० साल मंसिर २९ गते निधन भएको र समितिका अन्य सदस्यहरुले समेत कार्यकाल छदैं राजीनामा दिएपछि बिद्यालय व्यवस्थापन समितिबिहिन थियो । बिद्यालयका प्रधानाध्यापक तथा व्यवस्थापन समितिका सदस्य सचिव खगेन्द्रकुमार कार्कीका अनुसार समिति सदस्यहरुमा हेमा गुरुङ,गोमादेवी विश्वकर्मा,हर्कबहादुर कालिकोटे,लेखनाथ भट्टराई,सरिता बराईली र उपेन्द्र निरौला रहनु भएको छ । निरौला शिक्षक प्रतिनिधिको रुपमा बिद्यालय व्यवस्थापन समितिमा पुग्नु भएको हो ।

शान्ति आवि शिक्षक अभिभावक संघका अध्यक्ष भट्टराईलाई व्यवस्थापन समितिको बैठकले बिद्यालय व्यवस्थापन समितिमा मनोनित गरेको हो । बराईलीलाई बिद्यालयको संस्थापक,बुद्धिजीवी,शिक्षाप्रेमी वा सामाजिक व्यत्तित्वमध्येबाट व्यवस्थापन समिति सदस्यमा मनोनित गरिएको छ । बिद्यालय रहेको वडापालिकाबाट प्रतिनिधित्व गर्ने बिद्यालय व्यवस्थापन समिति सदस्य पठाइदिन नवनिर्वाचित व्यवस्थापन समितिले फुङलिङ नगरपालिका वडा नं २ मा अनुरोध गरेको समेत प्रधानाध्यापक कार्कीले जानकारी दिनुभयो ।