मैवाखोलामा सुरुभयो स्थानीय तह स्तरीय राष्ट्रपति रनिङ शिल्ड,खेलमैदान समेतको उद्घाटन

उज्यालो पोष्ट
ताप्लेजुङ,मंसिर १७ । ताप्लेजुङको मैवाखोला गाउँपालिकाले वडा नं २ स्थित मैवाखोला माविमा नवनिर्मित खेल मैदानको उद्घाटनसंगै स्थानीय तह स्तरीय राष्ट्रपति रनिङ शिल्ड प्रतियोगिता सुरु गरेको छ ।

पूर्व विद्यार्थीहरूबाट आर्थिक स्रोत जुटाई विद्यालयले खरिद गरेको जग्गामा मैवाखोला गाउँपालिकाले खेलमैदान निर्माण गरेको हो । गाउँपालिका अध्यक्ष विजयप्रकाश वनेमले नवनिर्मित खेल मैदान र स्थानीय तह स्तरीय राष्ट्रपति रनिङ शिल्ड प्रतियोगिताको शुभारम्भ गर्नुभयो ।

कार्यक्रममा मैवाखोला गाउँपालिकाका उपाध्यक्ष कमलकुमारी लिम्बू,जिल्ला खेलकुद विकास समितिका अध्यक्ष नरेन्द्रकुमार(गणेश)मावो,मैवाखोला गाउँपालिकाका बिभिन्न वडाका वडाध्यक्ष सहितका जनप्रतिनिधि,बिभिन्न बिद्यालयका प्रधानाध्यापक तथा शिक्षकहरुको उपस्थिति रहेको थियो ।