राष्ट्रिय प्रजातन्त्र दिवस मनाउन प्रशासन कार्यालयको आग्रह
ताप्लेजुङ,फागुन ६ । जिल्ला प्रशासन कार्यालय ताप्लेजुङले दीपावली,सरसफाइ र राष्ट्रिय झण्डा फहराउने सहितका कार्य गरी राष्ट्रिय प्रजातन्त्र दिवस मनाउन आग्रह गरेको छ ।
प्रशासन कार्यालयले सार्वजनिक सूचनजा प्रेषित गर्दै फागुन ६,७ र ८ गते साँझ जिल्लास्थित सबै कार्यालय,सार्वजनिक एवम् सामुदायिक संघसंस्था,शैक्षिक प्रतिष्ठान तथा निकाय र जिल्लावासीले घरघरमा दीपावली गर्न आग्रह गरेको छ । प्रमुख जिल्ला अधिकारी महेशकुमार पोखरेलद्धारा जारी सूचनामा जिल्लास्थित सबै कार्यालय, सार्वजनिक एवम् सामुदायिक संघसंस्था र शैक्षिक प्रतिष्ठान तथा निकायहरुले आफ्नो इलाका वा परिसर सफाइ गरी सम्भाव्य स्थानमा सजावट सहित राष्ट्रिय झण्डा फहराउन आग्रह गरिएको छ ।
यस्तै जनस्वास्थ्य सुरक्षामा मापदण्डहरु अपनाइ राष्ट्रिय प्रजातन्त्र दिवस २०७८ केन्द्रित बिभिन्न साँस्कृतिक,साहित्यिक र शैक्षिक क्षेत्र सम्वद्ध सृजनात्मक तथा रचनात्मक प्रतियोगितात्मक कार्यक्रमहरु आयोजना तथा सञ्चालन गर्न समेत प्रशासन कार्यालयले आग्रह गरेको छ ।
