पाथीभरा याङ्वरकका बिद्यालय अब अपरान्ह ४ बजे सम्म लाग्ने
ताप्लेजुङ,भदौ ३१ । ताप्लेजुङको पाथीभरा याङ्वरक गाउँपालिकाले पालिका भित्रका सबै सामुदायिक बिद्यालयको पढाइ १० बजे देखि ४ बजे सम्म कायम गरेको छ । गाउँपालिकाको शिक्षा शाखाले सूचना प्रकाशित गर्दै यसअघि कायम रहेको १० बजेदेखि अपरान्ह २ बजे सम्म बिद्यालय सञ्चालन हुने समयावधि बढाएको जनाएको छ ।
शिक्षा अधिकृत लासाङ तामाङले गाउँ शिक्षा समितिको निर्णय अनुसार अब प्रत्येक दिन बिद्यालय सञ्चालन अवधि बिहान १० बजेखि अपरान्ह ४ बजे सम्म कायम गरिएको जानकारी दिनु भएको छ ।
