पालिका अध्यक्ष स्तरीय निर्णयले ताप्लेजुङको फक्ताङलुङमा फागुन १ गते सार्वजनिक बिदाको घोषणा

उज्यालो पोष्ट
ताप्लेजुङ,माघ ३० । पालिका अध्यक्ष स्तरीय निर्णयका आधारमा ताप्लेजुङको फक्ताङलुङ गाउँपालिकाले फागुन १ गते बिहीबारका लागि सार्वजनिक बिदाको घोषणा गरेको छ ।

पालिका अध्यक्ष राजन लिम्बू(मुक्ति)ले हस्ताक्षर गरी ‘जनयुद्ध दिवसको अवसर’मा भन्दै पालिकाभरी सार्वजनिक बिदाको घोषणा गर्नु भएको छ । लिम्बू २०७९ सालको स्थानीय तहको निर्वाचनमा नेकपा(माओवादी)केन्द्रबाट अध्यक्षमा निर्वाचित हुनु भएको थियो ।

नेकपा(माओवादी)केन्द्र र नेपाली काँग्रेसको गठबन्धनबाट लिम्बू अध्यक्षमा निर्वाचित हुँदा उपाध्यक्षमा काँग्रेसका रवीन साम्रा(विकास) निर्वाचित हुनु भएको छ ।

पालिका अध्यक्ष लिम्बूद्धारा जारी गरिएको सूचनामा फागुन १ गते बिहीबार फक्ताङलुङ गाउँपालिकाको कार्यालय तथा मातहतका सम्पूर्ण कार्यालय,संघसंस्था,बैंक र बित्तीय संस्था एवम् शैक्षिक संस्था बिदा हुने उल्लेख छ ।