याक्थुङ चुम्लुङ ताप्लेजुङको अगुवाईमा फुङलिङमा मनाइयो चासोक तङ्नाम

उज्यालो पोष्ट
ताप्लेजुङ,मंसिर १ । याक्थुङ चुम्लुङ ताप्लेजुङले हरेक बर्षको मंसिर १ गतेलाई चासोक तङ्नाम पर्वको मनाउन आवह्वान गरेको छ

। चासोक तङ्नामलाई ‘न्वागी पर्व’ पनि भनिन्छ । ‘चासोक’ भन्नाले उब्जाइएको वा फलाइएको नयाँ अन्नबाली चढाउने पूजा हो भने ‘तङ्नाम’ पर्व अर्थात् चाड हो । याक्थुङ चुम्लुङ ताप्लेजुङका अध्यक्ष हाङमाया लेछर्बोले याक्थुङ चुम्लुङ संयोजन तथा बिभिन्न संघसंस्थाहरुको सक्रियतामा चासोक तङ्नाम पर्व मनाईएको जानकारी दिनुभयो ।

याक्थुङ सांस्कृतिक परिषद्,मुक्कुमलुङ केलाङ परिवार सहितका संघसंस्थाहरुको सहभागितामा शनिवार याक्थुङ चुम्लुङ ताप्लेजुङले चासोक तङ्नाम पर्व मनाएको छ । पर्वको औपचारिक कार्यक्रम सुरु हुनुअघि फुङलिङमा सांस्कृतिक बाजागाजा सहित नगर परिक्रममा गरिएको थियो ।

नगर परिक्रममा गर्ने क्रममा याक्थुङ चुम्लुङमा आवद्धहरुले ‘हाम्रो धर्म यूमा साम्यो हो, हाम्रो लिपि सिरिजङ्गा हो,चासोक तङनाम मंसिर १ गते नै मनाऔं,धर्म संस्कार र संस्कृति बचाई राखौं’ जस्ता नारा लगाएका थिए ।

यो (न्वागी) पूजा बालीनाली भित्र्याउने बेलामा सम्पन्न गरिन्छ । आफूले लगाएको अन्नबाली पाकेपछि कूल देवतालाई चढाएपछि खाने र रमाउने चाडका रूपमा ‘चासोक तङ्नाम’लाई लिने गरिन्छ ।