साफ यु–१६ च्याम्पियनसिप राष्ट्रिय टिमको स्पर्धाका लागि प्रदेश स्तरीय खेलबाट ताप्लेजुङका दुईजना छानिए
ताप्लेजुङ,साउन १५ । साफ यु–१६ च्याम्पियनसिप २०२३ को राष्ट्रिय टिममा स्पर्धाका लागि ताप्लेजुङका दुईजना कोशी प्रदेशबाट छनौट भएका छन् । मिक्वाखोला गाउँपालिका वडा नं ३ लिवाङका पासाङतेम्बा शेर्पा र आठराई त्रिबेणी गाउँपालिका वडा नं ५ चाँगेका दिवस लिम्बू प्रदेश स्तरीय खेलबाट छनौट हुनुभएको ताप्लेजुङ जिल्ला फुटवल संघका महासचिव दिनेश खवासले जानकारी दिनुभयो ।
अब उहाँहरु राष्ट्रिय स्तरीय खेलबाट पनि छनौटमा परेमा १६ बर्ष मुनि उमेर समूहको राष्ट्रिय टिममा अटाउनु हुने छ । राष्ट्रिय स्तरीय टिममा छनौट हुन नसके उहाँहरुको यात्रा काठमाडौंबाट टुंगिने छ । राष्ट्रिय टिममा छनौट भएमा आउँदो भदौ १५ देखि २५ सम्म भुटानमा हुने साफ यु–१६ च्याम्पियनसिप टिममा उनीहरुको सहभागिता हुने देखिएको छ ।
