कक्षा १२ को परीक्षाका लागि ताप्लेजुङमा आठवटा केन्द्र

उज्यालो पोष्ट
ताप्लेजुङ,बैशाख ७ । बैशाख १४ बाट सुरु हुने कक्षा १२ को परीक्षाका लागि ताप्लेजुङमा आठवटा केन्द्र निर्धारण भएका छन् ।

शिक्षा विकास तथा समन्वय इकाई ताप्लेजुङका प्रमुख योगेश्वर भट्टराईका अनुसार एक हजार पाँचसय २८ जना परीक्षार्थीका लागि आठवटा केन्द्र निर्धारण भएका हुन् । भट्टराईका अनुसार मैवाखोला मावि ढुङगेसाँघु परीक्षा केन्द्रमा एकसय ९० परीक्षार्थीले परीक्षा लेख्ने भएका छन् । यस्तै मोति मावि खोक्लिङ परीक्षा केन्द्रमा एकसय ७५,सरस्वती मावि हाङपाङ परीक्षा केन्द्रमा एकसय ९१,कञ्चनजंघा आवासीय मावि फुङलिङ परीक्षा केन्द्रमा दुईसय ४० परीक्षार्थीले परीक्षा लेख्ने शिक्षा विकास तथा समन्वय इकाई ताप्लेजुङले जनाएको छ ।

भानुजन मावि फुङलिङ परीक्षा केन्द्रमा एकसय ७० जना,बासुसं मावि फुङलिङ परीक्षा केन्द्रमा चारसय ३२,तेल्लोक मावि परीक्षा केन्द्रमा दुईसय ६४ र सिनाम मावि परीक्षा केन्द्रमा एकसय ३० जना परीक्षार्थीले परीक्षा लेख्ने शिक्षा विकास तथा समन्वय इकाई ताप्लेजुङका प्रमुख भट्टराईले जानकारी दिनुभयो ।