ताप्लेजुङको फुलवारी चोकपुरको एकघरमा आगलागी,करिव २ लाख बराबरको क्षति

उज्यालो पोष्ट
ताप्लेजुङ,चैत ८ । ताप्लेजुङको आठराई त्रिबेणी गाउँपालिका वडा नं २ फुलवारी चोकपुर बस्ने अमर सेन्दाङको घरमा भएको आगलागीबाट करिव दुई लाख मूल्य बराबरको क्षति भएको छ ।

जिल्ला प्रहरी कार्यालय ताप्लेजुङका प्रहरी प्रमुख(डिएसपी)रवि रावलका अनुसार सेन्दाङको घरमा विगत तीनबर्ष देखि फुलवारीकै लालबहादुर कालिकोटे बस्दै आउनु भएको थियो । घरमा कोहि नभएको अवस्थामा आरनबाट आगो सल्कन गई आगलागी भएको प्रहरीले बताएको छ ।

प्रहरीका अनुसार उक्त ढुङ्गा,माटो र खरको छानो भएको एकतले मतान घरमा आगलागी भएको हो । स्थानीय जनप्रतिनिधि,स्थानीय बासिन्दा र प्रहरी समेतको सहयोगमा आगो पूर्ण रुपमा नियन्त्रणमा लिईएको समेत प्रहरीले जानकारी दिएको छ ।