दोस्रो कञ्चनजंघा गोल्डकपको उपाधि गोधुली फुटबल क्लवलाई
खगेन्द्र अधिकारी
ताप्लेजुङ,मंसिर २२ । दोस्रो कञ्चनजंघा(सेसेलुङ)अन्तराष्ट्रिय आमन्त्रण गोल्डकप फुटबल प्रतियोगितामाको उपाधि गोधुली फुटबल क्लव धरानले जितेको छ ।
रेड डेभिल्स फुटबल क्लव इलामलाई ४–१ ले हराउँदै गोधुली फुटबल क्लव धरानले उपाधि चुमेको । गोधुलीका लागि पहिलो हाफमा कार्लोसले गोल गरेका थिए । गोधुलीले अरु ३ गोल दोस्रो हाफमा गरेको थियो ।
गोधुलीका लागि दोस्रो हाफमा शिशिर लेखी,सञ्जय श्रेष्ठ र दोर्जे तामाङले गोल गरे । रेड डेभिल्सका लागि खेलको अन्त्यतिर सुगम खजुमले पेनाल्टीमार्फत सान्त्वना गोल गरे । प्रतियोगिताका बिजेताले तीन लाख दुईहजार ८१ रुपैयाँ तथा उपबिजेताले एकलाख ५१ हजार ८१ रुपैयाँ प्राप्त गरेका छन् ।
