स्थापना दिवसमा चार बिद्यार्थीलाई चुम्लुङद्धारा छात्रबृत्ति प्रदान
ताप्लेजुङ,भदौ १७ । ३४ औं स्थापना दिवसको अवसर पारेर किराँत याक्थुङ चुम्लुङ ताप्लेजुङले यहाँका ४ जना बिद्यार्थीलाई छात्रबृत्ति बितरण गरेको छ ।
किराँत याक्थुङ चुम्लुङका जिल्ला अध्यक्ष ईन्दिरा मेन्याङ्वोका अनुसार चुम्लुङको कोषबाट सिँवा मावि लिङ्खिम(फक्ताङ्लुङ गाउँपालिका)का बसन्त लिम्बू र भानुजन मावि(फुङलिङ नगरपालिका)का जीना लिम्बूलाई छात्रबृत्ति प्रदान भएको छ ।
यस्तै इजरायल कल्याणकारी कोषबाट जनकल्याण मावि(मैवाखोला गाउँपालिका)का अनुपा लिम्बू र थेचम्बु मावि(पाथीभरा याङ्वरक गाउँपालिका)का सञ्जीव बिकले छात्रबृत्ति पाउनु भएको छ । किराँत याक्थुङ चुम्लुङका संघीय तथा प्रदेश समितिका अगुवा ठाकुरसिंह साम्सोहाङ,धीरमाया इजम सहितको उपस्थितिमा कार्यक्रम भएको चुम्लुङले जनाएको छ ।
