ताप्लेजुङमा सक्रिय संक्रमितको संख्या घट्दो,संक्रमितको संख्या २३ मा झ¥यो

ताप्लेजुङ,पुस ३ । ताप्लेजुङमा सक्रिय संक्रमितको संख्या घट्दो क्रममा रहेको छ । शुक्रवार सम्ममा सक्रिय संक्रमितको संख्या २३ मा झरेको कोरोना नियन्त्रण तथा व्यवस्थापान समितिले जनाएको छ । समितिका सदस्य सचिव एवम् प्रमुख जिल्ला अधिकारी झरेन्द्रप्रसाद चापागाँइका अनुसार शुक्रवार प्राप्त १६ जनाको स्वाब परीक्षण रिर्पोटमा यसअघि संक्रमित १ जनाको रिर्पोट नेगेटिभ आएको छ । बिहीबार २ जना संक्रमित थपिदाँ ३ जना संक्रमित डिस्चार्ज भएका थिए । शुक्रवार प्रदेश जनस्वास्थ्य प्रयोगशाला बिराटनगरबाट प्राप्त रिर्पोट अनुसार यसअघि संक्रमित एकजना संक्रमणमुक्त भएका छन् ।