बार्ता र सम्बादमार्फत समस्याको निकास निकाल्न एमाले ताप्लेजुङको आग्रह

उज्यालो पोष्ट
ताप्लेजुङ,माघ १९ । नेकपा एमाले ताप्लेजुङले बार्ता र सम्बादको माध्यमबाट निकास खोजी नागरिकको जनजीवन सहज बनाउन सम्वन्धित पक्षलाई आग्रह गरेको छ ।

पाथीभरा क्षेत्रमा गत माघ १२ गते भएको घटना,त्यसपछि मेची राजमार्ग,तमोर करिडोर र तेह्रथुमबाट ताप्लेजुङ छिर्ने नाकाहरुमा जारी यातायात बन्द र उत्पन्न समस्याका बारेमा शनिवार एक प्रेस विज्ञप्ति जारी गर्दै एमाले ताप्लेजुङले बार्ताका माध्यमबाट समस्या समाधान गरी नागरिकको स्वतन्त्रतापूर्वक जीवन निर्वाह गर्न पाउने अधिकारको सुनिश्चिताका लागि आग्रह गरेको हो ।

एमाले ताप्लेजुङका कार्यवाहक अध्यक्ष तथा उपाध्यक्ष दीपेन्द्र(दीपेन)पोमूद्धारा जारी विज्ञप्तिमा बन्दका कार्यक्रमले नागरिकको जनजीवनमा असहज परिस्थति सृजना हुँदै गएको उल्लेख गर्दै स्थानीय स्तरमा उठेका सवाल र सरोकारका बिषयलाई समेत ध्यानमा राखेर नेपाल सरकार र आन्दोलनरत दुबै पक्ष जिम्मेवार बन्दै बार्ता,सहमति र सम्बादमार्फत समस्याको निकास खोज्न आग्रह गरिएको छ ।