भाउजुलाई कुटपिट गरेको अभियोगमा देवर पक्राउ
उज्यालो पोष्ट
ताप्लेजुङ,माघ १४ । ताप्लेजुङ प्रहरीले घरायसी बिबादका क्रममा भाउजुलाई कुटपिट गरेको अभियोगमा देवरलाई पक्राउ गरेको छ । कुटपिटबाट घाइते भाउजुलाई उपचारका लागि ताप्लेजुङ जिल्ला अस्पताल भर्ना गरिएको छ ।
जिल्ला प्रहरी कार्यालय ताप्लेजुङका प्रहरी निरीक्षक तथा सूचना अधिकारी रोहितकुमार शर्माका अनुसार फक्ताङलुङ गाउँपालिका वडा नं २ खेजेनिमका ५७ बर्षिय बिष्णुकुमार लिम्बू पक्राउ परेका हुन् ।
बिष्णुकुमार माथि उनकै भाउजु ५६ बर्षिय सुकमाया लिम्बूलाई टाउकोमा काठको आग्लोले प्रहार गरी घाइते बनाएको अभियोग रहेको छ । प्रहरीले बिष्णुकुमारलाई नियन्त्रणमा लिई अनुसन्धान सुरु गरेको समेत जनाएको छ ।
