बिनोद चोङ्बाङ स्मृति प्रतिष्ठानद्धारा सफाई कार्यक्रम
उज्यालो पोष्ट
ताप्लेजुङ,पुस २६ । स्वर्गीय बिनोद श्रेङचोङ्बाङ स्मृति प्रतिष्ठानको अगुवाई तथा सशस्त्र प्रहरी वल नं १ गुल्मका कर्मचारी र स्थानीय बासिन्दामा अगुवाईमा शुक्रवार सफाई कार्यक्रम सम्पन्न गरिएको छ ।
सशस्त्र प्रहरी वल नेपाल नं १ गुल्म हेडक्वाटर कञ्चनजंघा ब्यारेक देखि सानो पाथीभरा मन्दिर हुँदै याङ्लिजुङ र कुटीडाडा सम्मको क्षेत्रमा सरसफाई अभियान सञ्चालन गरिएको स्वर्गीय बिनोद श्रेङचोङ्बाङ स्मृति प्रतिष्ठानका अध्यक्ष तथा स्वर्गीय बिनोदका बुवा तिलप्रसाद सुब्बाले जानकारी दिनुभयो ।
प्रतिष्ठानले शनिवार नेपाल नेत्रज्योति संघ ताप्लेजुङद्धारा फुङलिङमा सञ्चालित डिचेन डोङ्गला स्मारक आँखा उपचार केन्द्रलाई ३० हजार रुपैयाँ बराबरको दुईथान बिश्रामलय समेत हस्तान्तरण गर्ने कार्यक्रम रहेको प्रतिष्ठानले जनाएको छ ।
