‘नो केवलकार’ पक्षले चैत २५ गते देखि आवह्वान गरेको यातायात बन्द तत्काललाई स्थगन

उज्यालो पोष्ट
ताप्लेजुङ,चैत २२ । ‘नो केवलकार’ पक्षले चैत २५ गते देखि कोशी प्रदेश क्षेत्रमा आवह्वान गरेको अनिश्चितकालिन यातायात बन्द तत्काललाई स्थगन गरेको छ ।

बन्द क्षेत्रलाई ‘नो केवलकार’ पक्षले एशियन हाइवेबाट उत्तरी खण्ड,मेची राजमार्ग,तमोर करिडोर र धनकुटे रोड लागयतका क्षेत्र भनेर औंल्याएको छ । ‘नो केवलकार’ पक्षधरका एकजना अगुवा राम मादेनले मुक्कुमलुङ(पाथीभरा) केवलकारका बिषयमा सर्बोच्च अदालतले दिएको गत चैत १३ गते जारी गरेको आदेश सहितका बिषयलाई ध्यान दिदैं चैत २५ गते देखि आवह्वान भएको अनिश्चितकालिन यातायात बन्द अर्को निर्णय नभए सम्मका लागि स्थगित गरिएको जानकारी दिनुभयो ।

सर्बोच्च अदालतका न्यायाधीस शारङ्गा सुबेदीको एकल इजलासले पाथीभरा केवलकार निर्माण कार्य तत्काललाई यथास्थितिमा राखी अन्तरिम आदेश सम्वन्धमा पाथीभरा देवी दर्शन केवलकार प्रालिलाई छलफलका लागि बोलाउने गरी पेशी तोकेको थियो । पाथीभरा देवी दर्शन केवलकार प्रालिलाई बिपक्षी बनाई निबेदक यामबहादुर लिम्बू सहितले दायर गरेको उत्प्रेषण मुद्दामा सर्बोच्च अदालतले यस्तो आदेश दिएको थियो ।