हुलाक लाइनमा फेला परेको घाइते चरीबाघ मरेपछि खाडल खनेर गाडियो
उज्यालो पोष्ट
ताप्लेजुङ,चैत ३ । ताप्लेजुङको फुङलिङ नगरपालिका वडा नं ५ हुलाक लाइनमा आइतवार साँझ फेला मरेको घाइते चरीबाघ फेला परेलगत्तै मरेपछि साँझ खाडल खनी पुरिएको छ ।
डिभिजन वन कार्यालय ताप्लेजुङका वन अधिकृत परमेश्वर पासवानका अनुसार कुकुरले लखेट्दै ल्याएको चरीबाघ जस्तो देखिने जन्तु फेला परेको केहि समय पछि नै मरेपछि खाडल खनि गाडिएको हो । प्रहरी,सञ्चारर्कीको रोहवरमा डिभिजन वन कार्यालयकाका प्रतिनिधिले मुचुल्का उठाई मृत चरीबाघ खाडल खनि पुरेको डिभिजन वन कार्यालयले जनाएको छ ।
पासवानका अनुसार आइतवार साँझ साढे ६ बजेतिर कुकुरले लखेट्दै उक्त चरीबाघ हुलाकलाइनस्थित ठाकुरसिंह कालिकोटेको घरसम्म ल्याई पुर्याएको थियो । कालिकोटे उक्त जन्तुलाई डोकोले छोपेर राखी जिल्ला प्रहरी कार्यालयलाई खबर गरेपछि प्रहरी टोली पुगी उद्धार पश्चात डिभिजन वन कार्यालयलाई जिम्मा बुझाई कार्यालयतर्फ पुर्याईसक्दा मृत्यु भईसकेको अवस्थामा रहेको पासवानले जानकारी दिनुभयो ।
अन्दाजी तीनकिलोग्राम तौलको उक्त चरिबाघ शरिरमा बिभिन्न स्थानमा चोट रहेको अवस्थाको देखिएको र अवस्था हेर्दा कुकुरसंगको झगडाको क्रममा गम्भिर घाइते भई मरेको हुनसक्ने अनुमान डिभिजन वन कार्यालयले गरेको छ ।
