पुस १४ गते सिरिजङ्गाको हिउँदे अधिबेशन
उज्यालो पोष्ट
ताप्लेजुङ,पुस ९ । ताप्लेजुङको सिरिजङ्गा गाउँपालिकाको हिउँदे अधिबेशन पुस १४ गते आइतवारका लागि आवह्वान गरिएको छ ।
प्रमुख प्रशासकीय अधिकृत डम्बरबहादुर आङदेम्बेले मंसिर २३ गतेको कार्यपालिकाको निर्णय अनुसार पालिका अध्यक्ष लालकृष्ण चौहानले गाउँसभाको हिउँदे अधिबेशन आवह्वान गर्नु भएको जानकारी दिनुभयो ।
गाउँसभा तथा नगरसभा सञ्चालन कार्यविधि २०७५ को दफा(३)को उपदफा(२)मा भएको व्यवस्था अनुसार कार्यपालिकाको निर्णय बमोजिम गाउँ तथा नगरसभाका अध्यक्षले अधिबेशन आवह्वान गर्न सक्नेछन् ।
