पाथीभरा बहुमुखी क्याम्पसमा अध्ययनरत तथा कक्षा ११–१२ मा मुख्य बिषय पढ्नेलाई फक्ताङलुङद्धारा छात्रबृत्ति आवह्वान

उज्यालो पोष्ट
ताप्लेजुङ,कात्तिक २९ । ताप्लेजुङको फक्ताङलुङ गाउँपालिकाले पाथीभरा बहुमुखी क्याम्पसमा अध्ययनरत तथा कक्षा ११ र १२ मा अंग्रेजी,गणित,विज्ञान तथा इञ्जिनियरिङ अध्ययन गर्न चाहनेलाई छात्रबृत्ति प्राप्तिमा निबेदन दिन आवह्वान गरेको छ ।

गाउँपालिका अध्यक्ष राजन लिम्बू(मुक्ति)ले उल्लेखित प्रकृतिका बिद्यार्थीले छात्रबृत्ति लिन चाहने बिद्यार्थीलाई पालिकामा निबेदन गर्न आग्रह गर्नु भएको छ । पालिकाले उच्च शिक्षा अध्ययन गर्ने बिद्यार्थीका लागि पाथीभरा बहुमुखी क्याम्पससंग सम्झौता गरी अध्ययन शुल्क पालिकाले तिरिदिने प्रवन्ध गरेको छ । पाथीभरा बहुमुखी क्याम्पस बाहेक कक्षा ११ र १२ मा अंग्रेजी,गणित,विज्ञान तथा इञ्जिनियरिङ अध्ययन गर्न चाहनेहरुले छात्रबृत्तिका लागि निबेदन दिन सक्ने पालिकाले बताएको छ ।

अघिल्लो बर्षमात्र पालिकाले पाथीभरा बहुमुखी क्याम्पसमा पालिका भरीका १ सय २८ बिद्यार्थीको प्रति विद्यार्थी १८ हजार २५ रुपैयाँका दरले हुन आउने २३ लाख ७ हजार २ सय रुपैयाँ भुक्तानी सम्झौता गरेको थियो । पालिकाले चालू आर्थिक बर्ष २०८१।८२ को नीति तथा कार्यक्रम एवम् गाउँपालिकाको शैक्षिक छात्रबृत्ति व्यवस्थापन कार्यविधि २०८० को अधिनमा रही छात्रबृत्ति प्रकृयाका लागि आबेदन दिन आवह्वान गरेको छ ।