ताप्लेजुङको तेल्लोकका युवा पेदाङको भीरमा मृत फेला
उज्यालो पोष्ट
ताप्लेजुङ,कात्तिक १७ । ताप्लेजुङको सिरिजङ्गा गाउँपालिका वडा नं ४ तेल्लोकका ३० बर्षिय विवेक भण्डारी भीरबाट लडेर मृत अवस्थामा भेटिनु भएको छ ।
तेल्लोक स्पोर्टिङ क्लवका अध्यक्ष समेत रहनु भएका स्थानीय अर्जुन भट्टराईका अनुसार तेल्ल्लोक सिबुदिन निवासी काजीमान भण्डारीका छोरा विवेक सिरिजङ्गा गाउँपालिका वडा नं ५ पेदाङको याङपाङ खुर्दुका भीरमा मृत भेटिनु भएको छ ।
भट्टराईका अनुसार गत असोज १४ गते काम बिशेषले पेदाङतर्फ जानु भएका उहाँ फर्कि नआएपछि खोजी गर्ने क्रममा भीरमा मृत अवस्थामा भेटिनु भएको हो । घटनाको बिस्तृत अनुसन्धानका लागि जिल्ला प्रहरी कार्यालयबाट प्रहरी निरीक्षक विवेक बस्नेतको कमाण्डमा प्रहरी टोली परिचालित भएको ताप्लेजुङ प्रहरीले जनाएको छ ।
