मैवाखोलाले ल्यायो आगामी आवका लागि साढे ३९ करोड रुपैयाँ बढीको बजेट

ताप्लेजुङ,असार ९ । ताप्लेजुङको मैवाखोला गाउँपालिकाकाले आगामी आर्थिक वर्ष २०८०।८१ का लागि ३९ करोड ६९ लाख रुपैयाँ बढीको बजेट ल्याएको छ ।

गाउँसभाको १३ औं अधिबेशनको तेस्रो बैठकमा शनिवार गाउँपालिका अध्यक्ष विजयप्रकाश वनेमको उपस्थितिमा उपाध्यक्ष कमलकुमारी लिम्बूले आगामी आवका लागि ३९ करोड ६९ लाख ४६ हजार ३ सय ४० रुपैयाँको बजेट प्रस्तुत गर्नु भएका छ ।

मैवाखोला गाउँपालिकाले गत जेठ २८ गते नै आगामी आवको नीति तथा कार्यक्रम प्रस्ततु गरिसकेको छ । पालिका अध्यक्ष वनेद्धारा प्रस्तुत नीति तथा कार्यक्रमलाई १३ औं गाउँसभाको दोस्रो बैठकले पारित गरेपछि गाउँपालिकाले आगामी आवका लागि बजेट ल्याएको हो ।