जलबिद्युतको ड्याममा पौडी खेल्ने क्रममा ताप्लेजुङमा एक युवकको मृत्यु
ताप्लेजुङ,साउन २७ । शिवानी हाइड्रोपावरले निर्माण गरेको ड्याममा पौडी खेल्ने क्रममा ताप्लेजुङको पाथीभरा याङ्वरक गाउँपालिकाका एक युवकको ज्यान गएको छ ।
मृत्यु हुनेमा याङवरक गाउँपालिका ४ डुम्रिसेका २१ वर्षीय रोशन तामाङ रहेको जिल्ला प्रहरी कार्यालय ताप्लेजुङका प्रवक्ता तथा सूचना अधिकारी प्रहरी निरीक्षक कुशराम कार्कीले जानकारी दिनुभयो । मृतक स्थानीय दलबहादुर तामाङका छोरा रहनु भएको छ । शव अहिले घट्नास्थलमै रहेको र कानुनी प्रक्रिया पूरा गर्नका लागि प्रहरीको टोली घटनास्थलतर्फ प्रस्थान गरिसकेको समेत जिल्ला प्रहरी कार्यालयले जनाएको छ ।
