ताप्लेजुङ प्रशासनले भन्यो ः ‘चैत मसान्त सम्ममा इजाजत प्राप्त हतियार बुझाऊ’
ताप्लेजुङ,चैत ११ । जिल्ला प्रशासन कार्यालय ताप्लेजुङले स्थानीय तहको निर्वाचन सम्पन्न भए पश्चात फिर्ता पाउने गरी इजाजत प्राप्त हतियार चैत मसान्त भित्र प्रहरीलाइ बुझाउन सम्वन्धित सबैलाइ सूचित गरेको छ ।
प्रमुख जिल्ला अधिकारी महेशकुमार पोखरेलले एक सूचना जारी गर्दै स्थानीय तहको आसन्न निर्वाचनमा सुरक्षा सम्बेदनशिलतालाई दृष्टीगत गर्दै इजाजत प्राप्त गरी राखिएका बिभिन्न हतियार बुझाउन आग्रह गर्नु भएको छ । प्रजिअ पोखरेलद्धारा जारी सूचनामा स्थानीय तहको निर्वाचनलाइ शान्तिपूर्ण र भयरहित तवरबाट सम्पन्न गर्ने प्रयोजनका लागि इजाजत प्राप्त हतियार नजिकको प्रहरी इकाइमार्फत जिल्ला प्रहरी कार्यालयमा बुझाउन भनिएको छ ।
