स्थानीय तह निर्वाचन ः ताप्लेजुङबाट चुनिनेछन् ३ सय ४२ जना जनप्रतिनिधि

खगेन्द्र अधिकारी
ताप्लेजुङ,फागुन २ । एक नगरपालिका र आठवटा गाउँपालिका रहेको ताप्लेजुङबाट आउँदो स्थानीय तहको निर्वाचनमार्फत ३ सय ४२ जना नयाँ जनप्रतिनिधि चुनिने छन् । जिल्लाभरमै कार्यपालिका सदस्यको संख्या १ सय ३५ छ । सबैभन्दा बढी जनप्रतिनिधि फुङ्लिङ नगरपालिकामा चुनिने छन् ।

११ वटा वडा रहेको फुनपामा ६० सदस्यीय नगरसभा र २१ सदस्यीय कार्यपालिका रहेको छ । त्यसपछि ८ वटा वडा रहेको सिरिजङ्गामा ४४ जना गाउँसभा सदस्य छन् भने १६ सदस्यीय कार्यपालिका रहेको छ । ७–७ वडा वडा रहेको फक्ताङ्लुङ र सिदिङ्वा गाउँपालिकामा समान ३९–३९ सदस्यीय गाउँसभा र १५–१५ सदस्यीय कार्यपालिका रहेको छ ।

यस्तै ६–६ वडा रहेको पाथीभरा याङ्वरक,मेरिङ्देन र मैवाखोला गाउँपालिका गाउँपालिकामा समान ३४–३४ जना गाउँसभा र १४–१४ सदस्यीय कार्यपालिका रहेको छ । ५–५ वटा वडा रहेको आठराइ त्रिबेणी र मिक्वाखोला गाउँपालिकामा पनि समान २९–२९ सदस्यीय गाउँसभा र १३–१३ सदस्यीय कार्यपालिका रहेको छ ।
२०७४ सालको स्थानीय तहको निर्वाचनलाइ फर्केर हेर्दा
२०७४ सालको स्थानीय तहको निर्वाचनमा ताप्लेजुङमा ७३ वटा मतदान स्थल र १ सय ५ वटा मतदान केन्द्र रहेका थिए । जस अनसार फुङलिङ नगरपालिकामा ११ वटा मतदान स्थल र १७ वटा मतदान केन्द्र थिए । सिरिजङ्गा गाउँपालिकामा ११ वटा मतदान स्थल र १५ वटा मतदान केन्द्र,सिदिङ्वा गाउँपालिकामा ९ वटा मतदान स्थल र १३ वटा मतदान केन्द्र तथा फक्ताङ्लुङ गाउँपालिकामा १२ वटा मतदान स्थल र १५ वटा मतदना केन्द्र रहेका थिए ।

यस्तै आठराइ त्रिबेणीमा ५ वटा मतदान स्थल र १० वटा मतदान केन्द्र,मिक्वाखोलामा ६ वटा मतदान स्थल र ७ वटा मतदान केन्द्र,मैवाखोला र पाथीभरा याङ्वरक गाउँपालिकामा समान ६–६ वटा मतदान स्थल र ९–९ वटा मतदान केन्द्र र मेरिङ्देनमा ७ वटा मतदान स्थल र १० वटा मतदान केन्द्र रहेका थिए ।
करिव १ हजार ९ सय सुरक्षाकर्मी परिचालित
२०७४ सालको स्थानीय तहको निर्वाचनमा ताप्लेजुङमा सबै सुरक्षा जनशक्ति गरी १ हजार ८ सय ७२ जनाको जनशक्ति परिचालन भएको थियो । जिल्ला निर्वाचन कार्यालयका अनुसार सबैभन्दा बढी नेपाल प्रहरी र त्यसपछि म्यादी प्रहरी परिचालित भएका थिए । सो बेला १ हजार ७ सय १० जना पुरुष र १ सय ६२ जना महिला सुरक्षाकर्मी परिचालित भएको निर्वाचन कार्यालयले जनाएको छ ।

नेपाल प्रहरीका ५ सय ५४ पुरुष र ४४ महिला,म्यादी प्रहरीका ४ सय १४ पुरुष र ९६ महिला,सशस्त्र प्रहरीका ३ सय ४१ पुरुष र २२ महिला सुरक्षाकर्मी परिचालित थिए । यस्तै नेपाली सेनाका ३ सय ९० र राष्ट्रिय अनुसन्धानका ११ पुरुष जनशक्ति परिचालित गरिएको जानकारी जिल्ला निर्वाचन कार्यालयले जानकारी दिएको छ ।

Similar Posts