ताप्लेजुङका ९ मध्ये ८ स्थानीय तहमा माओवादी केन्द्रको नयाँ नेतृत्व चयन
खगेन्द्र अधिकारी
ताप्लेजुङ,मंसिर १२ । नेकपा माओवादी केन्द्रले ताप्लेजुङका ८ स्थानीय तहमा पालिका अधिबेशनमार्फत नयाँ नेतृत्व चयन गरेको छ । ९ स्थानीय तह रहेको ताप्लेजुङमा मिक्वाखोला गाउँपालिकाको अधिबेशन भने मंसिर १३ का लागि तय गरिएको नेकपा माओवादी केन्द्र ताप्लेजुङका संयोजक बिजयप्रकाश वनेमले बताउनुभयो । उहाँका अनुसार फुङ्लिङ नगरपालिका समन्वय कमिटीको अध्यक्षमा गंगाराम शंकर चयन हुनु भएको छ । यस्तै फक्ताङ्लुङ गाउँपालिकामा मुक्ति लावुङ,मेरिङ्देन गाउँपालिकामा सुजन सामेखाम,आठराइ त्रिबेणी गाउँपालिकामा घननाथ गौतम(घनु),सिदिङ्वामा अमर इदिङ्गो,मैवाखोलामा आलोक शेर्पा,पाथीभरा याङ्वरकमा दिलिप पौडेल र सिरिजंगामा चित्र मावो अध्यक्ष रहेको कमिटी बनेको छ । १३ गते मिक्वाखोलाको अधिबेशन सकिएसंगै माओवादी केन्द्रले ताप्लेजुङका सबै स्थानीय तहमा पालिका समन्वय कमिटीमा नयाँ नेतृत्व चयन गरिसक्ने छ ।
