मेरिङ्देन गाउँपालिकाद्धारा हाइड्रोपावर ईञ्जिनियरिङ बिषयमा अध्ययन गर्न छात्रबृत्ति आवäान

प्रकृति गुरुङ
ताप्लेजुङ,भदौ २४ । ताप्लेजुङको मेरिङ्देन गाउँपालिकाले हाइड्रोपावर ईञ्जिनियरिङ बिषयमा अध्ययन गर्न चाहने पालिका भरीका २ जनालाइ छात्रबृत्ति उपलब्त्र गराउने भएको छ । ३ बर्षे डिप्लोमा ईन हाइड्रोपावर ईञ्जिनियरिङ बिषयमा अध्ययन गर्न चाहने पालिका भरीका १ छात्र र १ छात्रालाइ दिइने छात्रबृत्तिका लागि आबेदन गर्न पालिकाले आवäान गरेको हो । प्रमुख प्रशासकीय अधिकृत डम्बरबहादुर आङ्देम्बेका अनुसार प्राविधिक शिक्षा तथा व्यवसायिक तालिम परिषद्(सिटीईभिटिई)बाट डिप्लोमा ईन हाइड्रोपावर ईञ्जिनियरिङ बिषयमा सञ्चालन हुने प्रवेश परीक्षामा उत्र्तीण इच्छुकहरुले १५ दिन भित्रमा पालिकामा आबेदन दिइसक्नुपर्ने हुन्छ । यो तहको पढाइ फुङ्लिङ नगरपालिका वडा नं ३ स्थित बालसुवोधिनी संस्कृत माध्यमिक बिद्यालयमा भइरहेको छ ।

आबेदकले आबेदनका साथ एसईई÷एसएलसी पास गरेको बिद्यालय तथा सम्वन्धित वडा कार्यालयले गरिव तथा जेहेन्दार बिद्यार्थी हो भनी गरेको सिफारिसपत्र पेश गर्न भनेको छ । यस्तै पालिकाले आमा वा बुबा र ईच्छुक बिद्यार्थीबाट छुट्टाछुट्टै अध्ययन पूरा गर्ने गाउँपालिकासंग गरिएको कवुलियतना गर्नुपर्ने शर्त राखेको छ । यस्तै आबेदकले आबेदनका साथ एसईई÷एसएलसी पास गरेको शैक्षिक योग्यताको प्रमाणपत्र,मार्कसिट वा ग्रेडसिट,नेपाली नागगरिकताको प्रमाणपत्रको प्रतिलिपि,बासुसं माविमा आबेदन फारम भरी प्रवेश परीक्षा उर्तीण भएको प्रमाण,हालसालै खिचेको ३ प्रति रंगिन पासर्पोट संलग्न हुनुपर्ने भनेको छ । पालिकाले शिक्षण सिकाइ प्रगतिको आधारमा बार्षिक २ किस्तामा ३ बर्ष सम्म निरन्तर छात्रबृत्ति दिने प्रष्ट पारेको छ ।