कांग्रेस सांसद गुल्मीकी ज्वारचनले लिइन् शपथ
काठमाडौं, साउन ४ । आइतबार नेपाली कांग्रेसकी सांसद सुवर्ण ज्वारचन पद तथा गोपनियताको शपथ लिएकी छन् । गुल्मीकी ज्वारचनलाई सभामुख अग्नि सापकोटा समक्ष शपथ लिएकी हुन् ।
ज्ञानकुमारी छन्त्यालको निधन भएपछि रिक्त स्थानमा कांग्रेसले ज्वारचनलाई सांसद बनाएको हो । समानुपातिक सांसद छन्त्यालको गत असार १७ गते निधन भएको थियो । सामानुपातिक तर्फको कुनै सांसदको निधन भएमा सोही सामावेशी समूहअन्तर्गत पार्टीले निर्वाचन अयोगमा बुझाएको बन्दसूचीको पहिलो नम्बरमा रहेको व्यक्ति स्वतः सांसद बन्न पाउने व्यवस्था छ । कांग्रेसले निर्वाचन आयोगमा बुझाएको समानुपातिकको सूचीमा छन्त्यालपछि ज्वारचनको नाम भएकाले त्यस रिक्त पदमा ज्वारचन स्वतः सांसद बनेकी हुन् ।
