रुखबाट लडेर नाङखोल्याङका एक युवकको ज्यान गयो
ताप्लेजुङ,भदौ १३ । रुखबाट लडेर ताप्लेजुङको पाथीभरा याङ्वरक गाउँपालिका वडा नं १ नाङ्खोल्याङका २८ बर्षिय एक युवकको ज्यान गएको छ ।
मृत्यु हुनेमा साविक नाङखोल्याङ्–२ का पुष्प बर्देवाका २८ बर्षिय छोरा खेमराज बर्देवा रहेको जिल्ला प्रहरी कार्यालय ताप्लेजुङका प्रहरी प्रमुख(डिएसपी) कैलाश राईले जानकारी दिनुभयो । अरिङगाल झार्ने क्रममा लडेर उनको मृत्यु भएको प्रहरीले अनुमान गरेको छ । घटनाको अनुसन्धान जारी रहेको समेत प्रहरीले जानकारी दिएको छ ।
