लिग लिडर लिभरपुल साउथह्याम्पटनसँग पराजित
काठमाडौ,पुस २१ । प्रिमियर लिगको शीर्ष स्थानमा रहेको लिभरपुल पछिल्लो खेलमा साउथह्याम्पटनसँग पराजित भएको छ । ड्यानी इंग्सले गरेको एक मात्र गोल मद्दतमा साउथह्याम्पटनले लिभरपुललाई घरेलु मैदानमा एक शुन्य ले पराजित गरेको हो । खेलको दोस्रो मिनेटमै इङ्ग्सले जेम्स वार्ड प्रासको पासमा गोल गर्दै साउथह्याम्पटनलाई अग्रता दिलाएका थिए । त्यसपछि खेलमा दुवैतर्फबाट गोल हुन सकेन र त्यही गोल निर्णायक बन्दा साउथह्याम्पटनले ३ अंक जोड्यो । लिभरपुलले भने म्यानचेष्टर युनाइटेडसँग अंक दूरी बढाउने मौका गुमायो ।
