आठराई त्रिबेणीमा भू–उपयोग वर्गिकरण सम्वन्धी तथ्याङ्क संकलन सुरु,प्रत्येक वडामा सञ्चालन गरिदैं
उज्यालो पोष्ट
ताप्लेजुङ,चैत २२ । ताप्लेजुङको आठराई त्रिबेणी गाउँपालिकाले भू–उपयोग योजना तथा भू–उपयोग वर्गिकरणका लागि वडा स्तरीय छलफल तथा तथ्याङ्क संकलन कार्यक्रम सुरु गरेको छ । वडा नं २ फुलवारीबाट उक्त कार्यक्रम सुरु भएको पालिका अध्यक्ष दीपेन्द्र पोमू(दीपेन)ले जानकारी दिनुभयो ।
पालिका अध्यक्ष पोमूले वडा नं २ फुलवारीबाट सुरु भएको कार्यक्रम प्रत्येक वडामा पुगी सञ्चालन हुने भएकोले सम्वन्धित वडामा उपस्थित भएर यसबारेमा आफ्नो राय तथा सुझाव राखिदिन आग्रह गर्नु भएको छ । आठराई त्रिबेणी गाउँपालिकाले भू–उपयोग नीति बनाएको छ । नीति अनुसार उपयोग वर्गिकरणका लागि तथ्याङ्क संकलनको कार्य अघि बढेको पालिकाले जनाएको छ ।
