सिकैचामा ४ बजे सम्ममा झण्डै ५७ प्रतिशत मत खस्यो
उज्यालो पोष्ट
ताप्लेजुङ,मंसिर १६ । ताप्लेजुङको सिरिजङगा गाउँपालिका वडा नं ३ सिकैचाको वडाध्यक्षका लागि सुरु भएको मतदानमा अपरान्ह ४ बजे सम्ममा ८ सय ६४ मत खसेको छ । सिकैचाको उपनिर्वाचनमा १ हजार ५ सय २८ मतदाता रहेका छन् ।
मुख्य निर्वाचन अधिकृतको कार्यालयका सहायक निर्वाचन अधिकृत दलबहादुर तामाङका अनुसार कुञ्जारी मतदान स्थलमा ६ सय ४ र र दुर्गा मावि ओसे मतदानस्थलमा २ सय ६० मत खसेको हो ।
सरस्वती मावि कुञ्जारी मतदान स्थलमामा १ हजार २६ र दुर्गा मावि ओसे मतदानस्थलमा ५ सय २ मतदाता रहेका छन् । दुबै मतदानस्थलमा गरी ५६.५४ प्रतिशत मत खसेको छ ।
