तोक्पेगोला सेवा समाज ताप्लेजुङको अध्यक्षमा नुपु

ताप्लेजुङ,जेठ १४ । ताप्लेजुङको दुर्गम गाउँ पापुङमा थातथलो भएका ढोक्प्या जनजातिहरुको साझा संस्था तोक्पेगोला सेवा समाज ताप्लेजुङको तेस्रो जिल्ला अधिबेशनले नुपु शेर्पा अध्यक्ष रहेको समिति सर्वसम्मत चयन गरेको छ ।

समितिको उपाध्यक्षमा नेम्जुम शेर्पा,सचिवमा चुङदाक शेर्पा,सहसचिवमा दावा शेर्पा र कोषाध्यक्षमा फुटी शेर्पा चयन हुनु भएको छ । समितिका सदस्यहरुमा तेञ्जिङडोमा शेर्पा,याङ्ला शेर्पा,फुपुदोर्जी शेर्पा,कान्छी शेर्पा,कान्छीमा शेर्पा,दावाफुटी शेर्पा र पासाङफुटी शेर्पा रहनु भएको छ ।

यो समुदायले ढम्ङे, हृयाजिङ,काङकाङ, ङा, रादुङ, बुक्च्याल आदि लोक बाजाहरूको प्रयोग गरेको पाइएको छ । आदिवासी जनजाति समुदायभित्र तोक्पेगोली अर्थात् ढोक्प्या एक जातिय समुदाय भित्र पर्दछ ।