पाथीभरा याङवरकमा नागरिकसंग स्वास्थ्यकर्मी कार्यक्रम

उज्यालो पोष्ट
ताप्लेजुङ,चैत २२ । ताप्लेजुङको पाथीभरा याङवरक गाउँपालिकाले नागरिकसंग स्वास्थ्यकर्मी कार्यक्रमलाई निरन्तरता दिन थालेको छ ।

पालिकाका प्रत्येक नागरिकका घरदैलोमा पुगी स्वास्थ्य परीक्षण गर्ने तथा आवश्यक औषधि समेत दिनेगरी पालिकाले सुरु गरेको अभियानलाई चालु आर्थिक बर्ष २०८१।८२ मा समेत निरन्तरता दिई कार्यक्रम सुरु गरिएको पालिका अध्यक्ष केशरकुमार सुब्बाका स्वकीय सचिव तेजबिर मेन्याङ्वोले जानकारी दिनुभयो ।

मेन्याङ्वोका अनुसार पालिकाको वडा नं २ थेचम्बुका नागरिकको घरघरमै पुगी स्वास्थ्य परीक्षण गर्ने तथा आवश्यक औषधि बितरण गर्ने कार्य सकिएको छ । बाँकी ५ वटा वडाहरुमा क्रमशःकार्यक्रम अघि बढाउने समेत मेन्याङ्वोले जानकारी दिनुभयो । पालिकाले चालु आर्थिक बर्षको बार्षिक स्वीकृत कार्यक्रम अनुसार उक्त कार्यक्रम अघि बढाएको जनाएको छ ।