राजश्व बाँडफाँड अन्तरगत आव २०८२।८३ मा ताप्लेजुङका स्थानीय तहलाई ८० करोड ५ लाख रुपैयाँको प्रस्ताव

खगेन्द्र अधिकारी
ताप्लेजुङ,चैत २१ । आगामी आर्थिक बर्षमा संघीय सरकारले राजश्व बाँडफाँड शीर्षक अन्तरगत ताप्लेजुङका स्थानीय तहलाई ८० करोड ५ लाख रुपैयाँ अनुदान पठाउने प्रस्ताव गरेको छ ।

यसअघि राष्ट्रिय प्राकृतिक स्रोत तथा वित्त आयोगको सिफारिसमा वित्तीय समानीकरणतर्फ ताप्लेजुङका स्थानीय तहलाई ९९ करोड २० लाख रुपैयाँ पठाउने प्रस्ताव गरि सकिएको छ । राजश्व बाँडफाँडतर्फ फक्ताङलुङ गाउँपालिकालाई १३ करोड ४० लाख रुपैयाँ पठाउन प्रस्ताव गरिएको छ ।

मिक्वाखोला गाउँपालिकामा ९ करोड ८ लाख,मेरिङदेनमा ८ करोड ४१ लाख,मैवाखोलामा ७ करोड २६ लाख र आठराई त्रिबेणीमा ६ करोड ९१ लाख रुपैयाँ प्रस्ताव गरिएको छ । यस्तै फुङलिङ नगरपालिकामा ९ करोड २१ लाख,पाथीभरा याङ्वरक गाउँपालिकामा ६ करोड ९४ लाख,सिरिजङ्गा गाउँपालिकामा १० करोड ६१ लाख र सिदिङ्वा गाउँपालिकामा ८ करोड २३ लाख रुपैयाँ प्रस्ताव गरिएको छ ।

यसअघि वित्तीय समानीकरणतर्फ फुङलिङमा १४ करोड ६९ लाख,मैवाखोलामा ९ करोड ४४ लाख,सिरिजङ्गामा १२ करोड ७८ लाख र फक्ताङलुङमा ११ करोड ३३ लाख रुपैयाँ प्रस्ताव गरिएको थियो । यस्तै मेरिङदेनमा १० करोड ७९ लाख,सिदिङ्वामा १० करोड ३० लाख,पाथीभरा याङ्वरकमा १० करोड ७ लाख,आठराई त्रिबेणीमा १० करोड र मिक्वाखोलामा ९ करोड ९० लाख रुपैयाँको प्रस्ताव गरिएको थियो ।