फाकुम्बाका एक युवक महिनादिनदेखि सम्पर्कविहिन

उज्यालो पोष्ट
ताप्लेजुङ,चैत ८ । ताप्लेजुङको मैवाखोला गाउँपालिका वडा नं ६ फाकुम्बा घर भएका अन्दाजी ३०–३२ बर्षिय एक युवक एक महिना अघि देखि सम्पर्कविहिन हुनु भएको छ ।

मिक्वाखोला गाउँपालिका वडा नं ५ दुङगिनबाट गत फागुन ६ गते बिहानदेखि मैवाखोला गाउँपालिका वडा नं ६ फाकुम्बा घर भएका युवक सन्तोष लिम्बू सम्पर्कविहिन हुनुहुन्छ । उहाँ मिक्वाखोला गाउँपालिका वडा नं ५ तोक्पेगोलामा स्थापना गर्न लागिएको मूर्तिको फाउण्डेसन निर्माणको ठेक्का लिने प्रयोजनका लागि तोक्पेगोला घर फर्कने क्रममा दुङगिनबाट वेपत्ता भएका हुनु भएको बताइएको छ ।

तोक्पेगोला पुगेपछि सन्तोषमा केहि अस्वभावि व्यवहार देखिएको र फर्कने क्रममा दुङगिना बास बसेको स्थानबाटै उहाँ सम्पर्क बाहिर रहेको उहाँसंगै रहनु भएका पापुङका नुपु शेर्पाले जानकारी दिनुभयो । उहाँका अनुसार मिक्वाखोला गाउँपालिका वडा नं ५ का वडाध्यक्ष ग्याञ्जे शेर्पा सहितको टोली तोक्पेगोलाबाट फर्किएर दुङगिनमा बास बसेको थियो । सोहि दिन बास बसेकै स्थलबाट उहाँ सम्पर्कविहिन भएपछि आफुहरुले प्रहरी चौकी पापुङ र जिल्ला प्रहरी कार्यालय समेतलाई जानकारी गराएको नुपुले बताउनुभयो । नुपुका अनुसार सम्पर्कविहिन भएका सन्तोषका परिवारले समेत खोजतलासका लागि जिल्ला प्रहरी कार्यालयमा जाहेरी दिनु भएको छ ।