पाथीभरा क्याम्पसमा शेर्पा विद्यार्थीको इकाइ कमिटी
-उज्यालो पोष्ट
ताप्लेजुङ, चैत ४ । ताप्लेजुङको सदरमुकाम फुङ्लिङस्थित पाथीभरा बहुमुखी क्याम्पसमा नेपाल शेर्पा विद्यार्थी संघको इकाइ कमिटी गठन भएको छ । निमसाङ्मु शेर्पा अध्यक्ष रहेको संघको १५ सदस्यीय इकाइ कमिटी सर्वसम्मत चयन भएको हो ।
इकाइ कमिटी उपाध्यक्षमा पासाङ लुन्डुप शेर्पा, सचिव पासाङ ल्हामु शेर्पा, सहसचिव मिक्चुङ शेर्पा र कोषाध्यक्षमा निम्साङ्मु शेर्पा चयन हुनुभएको छ । नेपाल शेर्पा संघ ताप्लेजुङका सचिव फुर्वा शेर्पाका अनुसार शेर्पा समुदायका विद्यार्थीको साझा संस्थाको रुपमा रहेको शेर्पा विद्यार्थी संघको क्याम्पसमा इकाइ कमिटी गठन गरिएको हो ।
इकाइ कमिटी नेपाल शेर्पा संघका जिल्ला अध्यक्ष पासाङरिता शेर्पा, पूर्वअध्यक्ष मातृका शेर्पा लगायतको उपस्थितिमा गठन गरिएको छ । इकाइ कमिटीले समग्र विद्यार्थी तथा शेर्पा समुदायको हक, हित र भलाइका निम्ति काम गर्ने शेर्पा संघका सचिव फुर्वाले जानकारी दिनुभयो ।
