बार्ताबारे ‘नो केवलकार’ पक्षका ४ सर्त
उज्यालो पोष्ट
ताप्लेजुङ,फागुन १३ । ‘नो केवलकार’पक्षधर घटकहरुले सरकारसंग बार्ताका लागि ४ बुँदे सर्त अघि सारेका छन् ।
केहिबेर अघि बार्ताबारे आफ्नो धारणा सार्वजनिक गर्दै ‘नो केवलकार’पक्षधर घटकहरुले मन्त्रि स्तरीय बार्ता समिति गठन गरी आन्दोलनरत पक्षलाई परिणामुखी बार्ताका लागि आधिकारिक रुपमा आवह्वान अथवा पत्राचार गनुपर्ने पहिलो सर्त छ । यस्तै आन्दोलनका क्रममा ताप्लेजुङ,सुनसरी लगायतका स्थानबाट पक्राउ गरिएकाहरुलाई बिना सर्त रिहाई गर्नुपर्ने तथा ताप्लेजुङ जिल्लामा जारी निशेधाज्ञा हटाउनुपर्ने दोस्रो सर्त छ ।
निशेधाज्ञालाई आन्दोलनरत घटकले विज्ञप्तिमा ‘कर्फ्यु’भनेर लेखेका छन् । यस्तै केवलकार निर्माण कार्य बन्द गरी निर्माणस्थलबाट सबै निर्माण सामग्री,ठेकेदार,कामदार,मजदुर फिर्ता हुनुपर्ने र पाथीभरा(मुम्कुमलुङ)क्षेत्रबाट सशस्त्र प्रहरी र जनपथ प्रहरी फिर्ता हुनुपर्ने उनीहरुको सर्त रहेको छ । सोमवार साँझमात्र सरकारी बार्ता टोलीकातर्फबाट गृह सचिव प्रेमप्रसाद भट्टराईले आन्दोलनरत पक्षलाई केवलकार निर्माण कार्य स्थगन गर्नेगरी बार्ताका लागि आवह्वान गरेको थियो । सरकारको उक्त आवह्वान पछि आन्दोलनरत घटकले आफ्नो धारणा विज्ञप्तिमार्फत सार्वनजनिक गरेका हुन् ।
