राष्ट्रिय खेलकुदका लागि जिल्ला छनौटमा सहभागी हुन चाहनेले माघ ३० गते भित्र खेलाडी दर्ता फारम भर्नुपर्ने
उज्यालो पोष्ट
ताप्लेजुङ,माघ १७ । जिल्ला खेलकुद विकास समिति ताप्लेजुङले दशौं राष्ट्रिय खेलकुद प्रतियोगिताका लागि जिल्ला छनौटमा सहभागी हुन चाहने खेलाडीलाई माघ ३० गते भित्र खेलाडी दर्ता फारम भरिसक्न समय दिएको छ ।
जिल्ला खेलकुद विकास समितिका अध्यक्ष नरेन्द्रकुमार(गणेश)मावो लिम्बूका अनुसार दशौं राष्ट्रिय खेलकुद प्रतियोगिताको पूर्व तयारीका लागि जिल्ला छनौटमा सहभागी हुन चाहने सबै खेलका खेलाडीहरुले माघ ३० गते भित्रमा खेलाडी दर्ता फारम भरिसक्नुपर्ने छ ।
अध्यक्ष लिम्बूका अनुसार खेलाडी दर्ताका लागि नेपाली नागरिकता वा जन्मदर्ता प्रमाणपत्रको प्रतिलिपि र तीनप्रति पासपोर्ट साइजको फोटो अनिवार्य चाहिने छ । यस्तै जिल्ला छनौटमा सहभागी हुन चाहने खेलाडीले तीनप्रति फारम भर्नुपर्ने हुन्छ । दशौं राष्ट्रिय खेलकुद आउँदो चैत २३ गते देखि ३० गते सम्म कर्णाली प्रदेशमा आयोजना हुँदैछ ।
