पाथीभरा याङवरकले ७५ प्रतिशत अनुदानमा तरकारीको बीऊ उपलब्ध गराउने
उज्यालो पोष्ट
ताप्लेजुङ,माघ १० । ताप्लेजुङको पाथीभरा याङवरक गाउँपालिकाले ७५ प्रतिशत अनुदानमा किसानलाई तरकारीको बीऊ उपलब्ध गराउने भएको छ ।
गाउँपालिकाको कृषि शाखा प्रमुख निकेश भट्टराईका अनुसार अनुदान प्राप्त गर्न चाहने किसानले यही माघ २२ गते भित्र पालिकामा निबेदन पेश गरिसक्नुपर्ने हुन्छ । पालिकाले गोलभेडा,खोर्सानी,काँक्रो,भिण्डी सहितका तरकारीबालीको बीऊ ७५ प्रतिशत अनुदानमा उपलब्ध गराउने भएको हो ।
कृषक,कृषक समूह र निजी कृषि फार्महरुले अनुदानका लागि निबेदन पेश गर्न सक्ने भएका छन् । आबेदकले माग निबेदन,समूह वा फार्मको हकमा समूह दर्ता प्रमाणपत्रको प्रतिलिपि र नेपाली नागरिकताको प्रमाणपत्रको प्रतिलिपि समेत पेश गर्नुपर्ने पालिकाको कृषि शाखाले जनाएको छ ।
