ताप्लेजुङमा तमू ल्होसार पर्वका कार्यक्रम सुरु

उज्यालो पोष्ट
ताप्लेजुङ,पुस ११ । ताप्लेजुङमा यसबर्षको तमू ल्होसार पर्वका अवसरमा हुने कार्यक्रम सुरु भएको छ ।

तमू ल्होसारको अवसर पारेर स्वर्गीय पदमबहादुर गुरुङको स्मृतिमा ताप्लेजुङ स्पोर्टिङ क्लवले आयोजना गरेको क्लव स्तरीय खुल्ला पुरुष फुटबल प्रतियोगिता भने सुरु भएको छ । फुङलिङ नगरपालिका वडा नं ६ स्थित निङ्माछ्यो खोर्लिङ बौद्ध गुम्बा व्यवस्थापन समिति र तमू ह्युल छोंज धी गुरुङ राष्ट्रिय परिषद् ताप्लेजुङको आयोजनामा तमू ल्होसार कार्यक्रम मनाइन लागेको हो ।

निङ्माछ्यो खोर्लिङ बौद्ध गुम्बा व्यवस्थापन समितिका सचिव गंगाराम गुरुङका अनुसार तमू ल्होसार अन्तरगत पुस १३ र १४ गते गुम्बा सरसफाई,ध्वजा पतका,लुङ्ता राख्ने र सजिसजावट गर्ने,लामा गुरुबाट सोरठेमी ह्यूम पत्ति विश्व शान्ति पुजापाठ प्रारम्भ र सतबीउ संकलनको कार्यक्रम हुने छ ।

पुस १५ गते त्रिपिटक सहितको बृहत शान्ति ¥याली, तोनाग घसुम, ग्रह शान्ति पूजा,लुङ्दा बितरण, उत्कृष्ट अंक ल्याउने विद्यार्थी सम्मान,गुम्बा निर्माण तथा व्यवस्थापन समितिको जिम्मेवार पदमा संस्कार–संस्कृति संरक्षण तथा सम्बद्र्धनमा योगदान पु¥याउने व्यक्तित्व सम्मान सहितका कार्यक्रम हुने भएका छन् ।

भलिबल प्रतियोगिता समेत आयोजना गरिएको समितिले जनाएको छ । तमू समुदायले गरुड(मुप्री ल्हो)को विदाई तथा सर्प(सप्री ल्हो)को आगमन बर्ष मनाउँदैछन् ।