कावेली खोलामा बेपत्ता बुढाथोकीको शव गोताखोर टोलीद्धारा फेला
उज्यालो पोष्ट
ताप्लेजुङ,मंसिर २५ । सिरिजंघा गाउँपालिका वडा नं ५ पेदाङका अन्दाजी ४५ बर्षिय राजेन्द्र बुढाथोकीको शव सशस्त्र प्रहरीको गोताखोर टोलीले कावेली खोलामा फेला पारेको छ ।
यही मंसिर १९ गते कावेली खोलामा नुहाउने क्रममा बेपत्ता बुढाथोकीको शव मंगलबार सशस्त्र प्रहरी वल नेपाल नं.१ बराह बाहिनीको गोताखोर तथा विपद् व्यवस्थापन तालिम प्राप्त टोली र नेपाल प्रहरीले संयुक्त रुपमा खोजी गर्ने क्रममा फेला पारेको हो ।
जिल्ला प्रहरी कार्यालय ताप्लेजुङका सूचना अधिकारी तथा प्रहरी निरीक्षक विवेक बस्नेतका अनुसार कावेली खोलाको दहमा गोताखोर टोलीले शव फेला पारेको हो । वेपत्ता भएकै दिनबाट बुढाथोकीको खोजी कार्य जारी रहेपनि फेला पार्न नसकिएपछि गोताखोर टोली परिचालित भएको थियो ।
