सिकैचामा २ बजे सम्ममा ५२ प्रतिशत मत खस्यो

उज्यालो पोष्ट
ताप्लेजुङ,मंसिर १६ । ताप्लेजुङको सिरिजङगा गाउँपालिका वडा नं ३ सिकैचाको वडाध्यक्षका लागि सुरु भएको मतदानमा दिउँसो २ बजे सम्ममा ५२ प्रतिशत बढी मत खसेको छ ।

मुख्य निर्वाचन अधिकृतको कार्यालयका सहायक निर्वाचन अधिकृत दलबहादुर तामाङका अनुसार त्यहाँ ७ सय ९७ मत खसेको छ । सिकैचाको उपनिर्वाचनमा १ हजार ५ सय २८ मतदाता रहेका छन् ।

तामाङका अनुसार सरस्वती मावि कुञ्जारी मतदान स्थलमा ५ सय ५० मत र दुर्गा मावि ओसे मतदानस्थलमा २ सय ४७ मत खसेको हो ।

सरस्वती मावि कुञ्जारी मतदान स्थलमामा १ हजार २६ र दुर्गा मावि ओसे मतदानस्थलमा ५ सय २ मतदाता रहेका छन् । सहायक मतदान अधिकृत तामाङका अनुसार दुबै मतदानस्थलमा गरी ५२.१५ प्रतिशत मत खसेको छ ।