अध्यक्ष कप तथा फुङफुङ्गे महोत्सव: पुरुष फुटबलतर्फ सेमीफाइनल पुग्ने ४ टोलीको टुङ्गो लाग्यो
खगेन्द्र अधिकारी
ताप्लेजुङ,मंसिर १० । ताप्लेजुङको मिक्वाखोला गाउँपालिका वडा नं ४ साँवाको तेम्बामा भइरहेको अध्यक्ष कप तथा फुङफुङ्गे झरना महोत्सव अन्तरगत पुरुष फुटबल प्रतियोगिताको सेमी फाईनल समीकरण पूरा भएको छ ।
खुल्ला वडा स्तरीय पुरुष फुटबल प्रतियोगितामा पुग्ने चारटोलीको टुङ्गो लागेको हो । फुङफुङ्गे झरना पर्यटन विकास समितिका अध्यक्ष विजय साँवाका अनुसार मेरिङदेन गाउँपालिका वडा नं ६ नाल्बु र मानाभरा युवा क्लवबिच पहिलो सेमीफाईनल खेल हुने छ ।
दोस्रो सेमीफाईनलमा फक्ताङलुङ गाउँपालिकाको वडा नं ३ लिङखिमले फाइनल यात्राका लागि मेरिङदेन गाउँपालिका वडा नं ५ थुकिमाको सामना गर्ने भएको छ । मंसिर १० गते नै सक्ने भनिएको महोत्सव अन्तरगत फुटबल खेल मंगलवार पनि खेलाइने भएको छ । अध्यक्ष कप तथा फुङफुङ्गे महोत्सव मंसिर ७ गतेबाट सुरु भएको हो ।
