ताप्लेजुङको आम्बेगुदिन खाम्दिने बजारका व्यवसायी पौडेल मृत अवस्थामा फेला

उज्यालो पोष्ट
ताप्लेजुङ मंसिर, ३ । गत कात्तिक २८ गतेदेखि वेपत्ता ताप्लेजुङको सिरिजंघा गाउँपालिका वडा नं २ खाम्दिने बजारका ब्यवसायी गौरीमान पौडेल मृत अवस्थामा भेटिनु भएको छ ।

खाम्दिने बजारका औषधी ब्यवसायी उमेश अधिकारीले पौडेलको शव सिरिजंघा गाउँपालिका वडा नं १ ओइराङ्गे दोभानमा फेला परेको जानकारी दिनुभयो । उहाँ वेपत्ता भएयता खोजीकार्य जारी थियो ।

जिल्ला प्रहरी कार्यालय ताप्लेजुङका प्रहरी प्रमुख (डिएसपी ) रवि रावलले गौरीमानको शव भेटिएको पुष्टी गर्नुभयो । उहाँका अनुसार प्रहरी निरीक्षक रोहित शर्माको कमाण्डमा प्रहरी टोली घटनास्थलतर्फ परिचालित भएको छ ।

पौडेलको शव प्राथमिक स्वास्थ्य केन्द्र तेल्लोकमा पोष्टमार्टम पछि आफन्तलाई जिम्मा लगाइने समेत प्रहरीले बताएको छ ।