काफ्लेपाटी देखि ठूलो फेदि सम्मका होटल पसल सञ्चालकलाई फुनपा–१० ले दियो डस्बिन
उज्यालो पोष्ट
ताप्लेजुङ,कात्तिक २९ । ताप्लेजुङको फुङलिङ नगरपालिका वडा नं १० ले ताप्लेजुङको पाथीभरा क्षेत्रका होटल पसल सञ्चालकलाई एक–एकथान डस्बिन बितरण गरेको छ ।
फुङलिङ नगरपालिका वडा नं १० र ११ अन्तरगत पर्ने काफ्लेपाटी देखि ठूलो फेदि सम्मका सबै होटल पसल सञ्चालकलाई डबिस्न बितरण गरिएको फुङलिङ नगरपालिका वडा नं १० वडाध्यक्ष सन्तोष लिम्बूले जानकारी दिनुभयो ।
फोहोरमैलाको उचित व्यवस्थापन तथा बिर्सजनका लागि सहज हुनेगरी उक्त डबिस्न बितरण गरिएको वडा कार्यालयले जनाएको छ । फुङलिङ नगर उपप्रमुख भीमादेवी ओझाको उपस्थितिमा डबिस्न बितरण गरिएको समेत फुनपाको १० नं वडा कार्यालयले जानकारी दिएको छ ।
