माओवादी केन्द्रले सिकैचाको उपनिर्वाचनमा साउदेनलाई उम्मेदवार बनाउने लगभग पक्का
उज्यालो पोष्ट
ताप्लेजुङ,कात्तिक २६ । ताप्लेजुङको सिरिजङ्गा गाउँपालिका वडा नं ३ सिकैचाको वडाध्यक्षका लागि हुने उपनिर्वाचनमा नेकपा (माओवादी केन्द्र)ले अम्बि साउदेनलाई उम्मेदवार बनाउने लगभग पक्का पक्की भएको छ ।
साउदेन अहिले सिरिजङ्गा गाउँपालिका व नं ३ का वडा सदस्य हुनुहुन्छ । वडाध्यक्ष दिलप्रसाद बोखिम बैदेशिक रोजगारीमा गएयता साउदेनले कार्यवाक वडाध्यक्षको भूमिका निर्वाह गरिरहनु भएको छ । साउदेनले अब उम्मेदवारी दर्ता गर्नुअघि वडा सदस्यबाट राजीनामा दिनुपर्ने हुन्छ ।‘हामीले अन्तिम निर्णय गरेका छैनौं,वडाबाट उहाँको नाम आएको छ’नेकपा (माओवादी केन्द्र)का केन्द्रीय सदस्य तथा जिल्ला इञ्चार्ज खेलप्रसाद बुढाक्षेत्री(पराग)ले भन्नुभयो ।
साउदेनको नाम अनुमोदनका लागि अहिले नेकपा माओवादी केन्द्र जिल्ला समन्वय समितिको बैठक बसिरहेको छ । २०७९ सालको निर्वाचनमा नेपाली काँग्रेस,नेकपा माओवादी केन्द्र,एकीकृत समाजवादी सहितको गठबन्धन थियो । सोहि गठन्धनबाट चुनाव लड्नु भएका साउदेन वडा सदस्यमा निर्वाचित हुनु भएको थियो । नेकपा एमालेले यसअघि नै कुमारी साउदेनलाई उम्मेदवार बनाउने सर्वसम्मत निर्णय गरिसकेको छ ।
