आव २०८०।८१ मा ताप्लेजुङबाट १७ लाख क्युविक फिट काठको स्थानान्तरण इजाजत जारी,झण्डै ७ करोड राजश्व

खगेन्द्र अधिकारी
ताप्लेजुङ,साउन ८ । आर्थिक बर्ष २०८०।८१ मा ताप्लेजुङबाट झण्डै १७ लाख क्युविक फिट काठको स्थानान्तरण इजाजत प्रदान भएको छ ।

डिभिजन वन कार्यालय ताप्लेजुङबाट उक्त आर्थिक बर्षमा १६ लाख ८३ हजार ३ सय ६३ क्युविक फिट काठको स्थानान्तरण इजाजत प्रदान भएको कार्यालयका योजना शाखाका वन अधिकृत(आठौं)परमेश्वर पासवानले जानकारी दिनुभयो । उहाँका अनुसार डिभिजन वन कार्यालयले स्थानान्तरण इजाजत दिएको गोलिया काठबाट मूल्य अभिबृद्धि कर वापत ६ करोड ३५ लाख ३४ हजार ९ सय २६ रुपैयाँ र प्रदेश सेवा शुल्क वापत ५१ लाख ३ हजार ६ सय ७८ रुपैयाँ असुल गरेको छ ।

डिभिजन वन कार्यालयका अनुसार सबैभन्दा बढी काठको स्थानान्तरण इजाजत २०८१ साल जेठ महिनामा भएको छ । उक्त महिनामा २ लाख ७६ हजार १ सय ८७ क्युविक फिट काठको इजाजत जारी हुँदा मूल्य अभिवृद्धि कर वापत १ करोड ९ लाख १६ हजार १ सय ४७ रुपैयाँ असुली भएको छ । सोहि महिनामा प्रदेश सेवा शुल्क वापत ८ लाख ९० हजार १ सय ४ रुपैयाँ असुली भएको डिभिजन वन कार्यालयले जनाएको छ । आव २०८०।८१ को सबैभन्दा कम गोलिया काठको इजाजत २०८० साल साउन महिनामा जारी भएको छ । उक्त महिनामा ३९ हजार ३ सय २२ क्युविक फिट काठको स्थानान्तरण इजाजत जारी भई मूल्य अभिबृद्धि कर वापत १५ लाख ३ हजार २ सय रुपैयाँ र प्रदेश सेवा शुल्क वापत ९० हजार ६ सय ४० रुपैयाँ असुली भएको छ ।

डिभिजन वन कार्यालयका अनुसार २०८० साल भदौ महिनामा ५३ हजार ३ सय ३३ क्युविक फिट काठको स्थानान्तरण इजाजत जारी हुँदा २० लाख ८९ हजार ८ सय १५ रुपैयाँ मूल्य अभिबृद्धि कर वापत र १ लाख ६३ हजार ६ सय ८० रुपैयाँ प्रदेश सेवा शुल्क वापत असुली भयो । असोज महिनामा ९५ हजार ६ सय ३६ क्युविक फिट काठको स्थानान्तरण इजाजत जारी भएको डिभिजन वन कार्यालयले जनाएको छ ।

डिभिजन वन कार्यालयले उक्त महिनामा मूल्य अभिबृद्धि कर वापत ३७ लाख ८६ हजार १ सय ९० रुपैयाँ र प्रदेश सेवा शुल्क वापत २ लाख ८७ हजार ५६ रुपैयाँ असुली ग¥यो । यस्तै कात्तिक महिनामा ५२ हजार ८ सय क्युविक फिट काठको स्थानान्तरण इजाजत जारी हुँदा मूल्य अभिबृद्धि कर वापत २१ लाख ६ हजार १ सय ७५ रुपैयाँ र प्रदेश सेवा शुल्क वापत १ लाख ५८ हजार ७ सय ७५ रुपैयाँ असुली भएको छ । मंसिर महिनामा १ लाख २७ हजार १ सय ३२ क्युविक फिट काठको इजाजत जारी हुँदा मूल्य अभिबृद्धि कर वापत ४९ लाख ९० हजार ४ सय रुपैयाँ तथा प्रदेश सेवा शुल्क वापत ३ लाख ८२ हजार ७ सय ५ रुपैयाँ असुली भएको डिभिजन वन कार्यालयले जनाएको छ ।

डिभिजन वन कार्यालयले पुस महिनामा १ लाख ३५ हजार ४ सय १२ क्युविक फिट काठको स्थानान्तरण इजाजत जारी गरेको थियो । उक्त महिनामा कार्यालयले मूल्य अभिबृद्धि कर वापत ५२ लाख ८२ हजार रुपैयाँ र प्रदेश सेवा शुल्क वापत ४ लाख ६ हजार ५ सय रुपैयाँ असुली ग¥यो । माघ महिनामा १ लाख ४९ हजार ५ सय ५४ क्युविक फिट काठको स्थानान्तरण अनुमति जारी गरेको डिभिजन वन कार्यालयले मूल्य अभिबृद्धि कर वापत ५९ लाख १२ हजार ९ सय ६३ रुपैयाँ र प्रदेश सेवा शुल्क वापत ४ लाख ५८ हजार ७ सय ५६ रुपैयाँ असुली गरेको जनाएको छ ।

फागुन महिनामा २ लाख १९ हजार ५ सय ७८ क्युविक फिट काठको स्थानान्तरण अनुमति जारी गरेको वन कार्यालयले मूल्य अभिबृद्धि कर वापत ८५ लाख ६५ हजार ८ सय ७० रुपैयाँ र प्रदेश सेवा शुल्क वापत ६ लाख ५८ हजार ८ सय ३४ रुपैयाँ असुली ग¥यो । चैत महिनामा फागुन भन्दा बढी काठको स्थानान्तरण इजाजत जारी भएको छ । जस अन्र्तगत कार्यालयले २ लाख २६ हजार ६ सय ८५ क्युविक फिट काठको स्थानान्तरण अनुमति जारी गर्दा मूल्य अभिबृद्धि कर वापत ८८ लाख ५७ हजार १ सय ५७ रुपैयाँ तथा प्रदेश सेवा शुल्क वापत ६ लाख ८२ हजार ४ सय ८३ रुपैयाँ असुली गरेको छ ।

२०८१ साल बैशाख महिनामा २ लाख ४३ हजार ९ सय ३० क्युविक फिट काठको स्थानान्तरण अनुमति जारी गर्दा कार्यालयले मूल्य अभिबृद्धि कर वापत ९५ लाख २५ हजार ९ रुपैयाँ र प्रदेश सेवा शुल्क वापत ७ लाख ३२ हजार ६ सय ९३ रुपैयाँ असुली गरेको छ । यस्तै आव २०८०।८१ को अन्तिम महिना असार ६३ हजार ७ सय ८२ क्युविक फिट काठको स्थानान्तरण अनुमति जारी हुँदा मूल्य अभिबृद्धि कर वापत २४ लाख ८८ हजार ६ सय ५६ रुपैयाँ र प्रदेश सेवा शुल्क वापत १ लाख ९१ हजार ४ सय ५२ रुपैयाँ असुली भएको डिभिजन वन कार्यालयले जनाएको छ ।