खोटाङलाई पराजित गर्दै ताप्लेजुङ सेमिफाइनल पुग्यो
-उज्यालो पोष्ट
ताप्लेजुङ, असार २१ । खोटाङमा जारी कोशी प्रदेशस्तरीय महिला फुटबल प्रतियोगितामा ताप्लेजुङ सेमिफाइनलमा पुगेको छ । शुक्रबार भएको खेलमा आयोजक खोटाङलाई ४–० गोल अन्तरले पराजित गर्दै ताप्लेजुङ सेमिफाइनलमा पुगेको हो ।
खोटाङको बुइपा रंगशालमा हुँदै आएको क्वाटरफाइनलमा खोटाङविरुद्ध पहिलो हाफमा ताप्लेजुङका तर्फबाट डोल्मा शेर्पाले गोल गर्नुभएको थियो । खेल अवधिभर खोटाङलाई दबाबमा राखेको ताप्लेजुङले दोस्रो हाफमा ३ गोल ग¥यो । दोस्रो हाफमा विनिता खबास, सुस्मा लिम्बू र अनुषा लिम्बूले गोल गर्नभयो ।
खोटाङका खेलाडीहरु गोल गर्ने निरन्तर प्रयास गरे पनि सफल बन्न सकेनन् । यसरी खोटाङविरुद्ध ताप्लेजुङले सहज जित हासिल गरेको जिल्ला खेलकुद विकास समितिका अध्यक्ष नरेन्द्रकुमार लिम्बू (गणेश) ले जानकारी दिनुभयो । कोशी प्रदेशका १४ वटै जिल्ला सहभागी रहेको प्रतियोगिता असार २५ गते सम्पन्न हुने बताइएको छ ।
