पाथीभरा क्याम्पसमा पूर्व विद्यार्थी मञ्च स्थापना

-उज्यालो पोष्ट
ताप्लेजुङ, जेठ २७ । ताप्लेजुङको सदरमुकाम फुङ्लिङस्थित पाथीभरा बहुमुखी क्याम्पसमा पूर्व विद्यार्थी मञ्च गठन भएको छ । पाथीभरा बहुमुखी क्याम्पसमा अध्ययन गरेका पूर्व विद्यार्थीहरुको भेलाले राजकुमार गुरुङ अध्यक्ष रहेको पूर्व विद्यार्थी मञ्च गठन गरेको हो ।
पाथीभरा बहुमुखी क्याम्पस पूर्व विद्यार्थी मञ्चको शनिबार सम्पन्न भएको प्रथम भेलाले गुरुङको अध्यक्षतामा १९ सदस्यीय कार्यसमिति सर्वसम्मत चयन गरेको हो । कार्यसमिति उपाध्यक्ष द्वयमा कुमार खवास र चित्राकुमारी चङ्सु, सचिवमा राजकुमार बानियाँ, सहसचिव जीवन कालिकोटे र कोषाध्यक्षमा तेन्जी याङकी भोटिया (मादेन) चयन हुनुभएको छ ।
कार्यसमिति सदस्यहरुमा दिलकुमार मेन्याङ्बो, हरिचन्द्र पौडेल, प्रजिन हाङ्बाङ, बिना श्रेष्ठ, हाङमाया लेछर्बो, कृष्णकुमार बस्नेत, दिवस भण्डारी, सर्मिला खतिवडा, सूर्य गुरुङ, पासाङकिपा शेर्पा, संगीता राई, गंगादेवी गुरुङ र गणेश दाहाल रहनुभएको छ । क्याम्पस व्यवस्थापन समितिका अध्यक्ष गजेन्द्रप्रसाद तुम्याहाङ, क्याम्पस प्रमुख सजन पौडेल, स्वतन्त्र विद्यार्थी युनियन (स्ववियु) सभापति अर्जुन खिम्दिङलगायतको उपस्थितिमा भेला सम्पन्न गरिएको बताइएको छ ।
पाथीभरा बहुमुखी क्याम्पसको सर्वाङगीण विकासमा सहयोग पु¥याउने उद्देश्यसहित पूर्व विद्यार्थी मञ्चको स्थापना गरिएको मञ्चका नवनिर्वाचित अध्यक्ष गुरुङले बताउनुभयो । उहाँकाअनुसार क्याम्पसको शैक्षिक अवस्थामा थप सुधार ल्याउन साथै भौतिक पूर्वाधार व्यवस्थापन लगायतका काममा मञ्चले आवश्यक सहयोग गर्ने छ ।