ढुंगाले लागेर एक व्यक्तिको मृत्यु
-उज्यालो पोष्ट
ताप्लेजुङ, चैत १२ । ताप्लेजुङको फुङ्लिङ नगरपालिकामा एक व्यक्तिको ढुंगाले लागेर (किचेर) मृत्यु भएको छ । प्रहरीका अनुसार फुङ्लिङ नगरपालिका–५ उकालीपानीका ५९ वर्षीय रामचन्द्र गुरुङको ढुंगाले लागेर सोमबार मृत्यु भएको हो ।
घर नजिकै ढुंगा फुटाउने क्रममा अचानक ढुंगाले लागेर गुरुङको घटनास्थलमै मृत्यु भएको जिल्ला प्रहरी कार्यालय ताप्लेजुङका सूचना अधिकारी एवम् प्रहरी निरीक्षक कमलकुमार लुंगेलीले जानकारी दिनुभयो । सोमबार दिउँसो करिव ३ बजेतिर ढुंगा फुटाउने काम गर्दै आएको ठाउँमा खाजाको समयमा माथिबाट झरेको ढुंगा गुरुङलाई लागेको थियो ।
ढुंगाले लागेर मृत्यु हुनुभएको गुरुङको शव परीक्षण (पोष्टमार्टम) का लागि जिल्ला अस्पताल ताप्लेजुङ पु¥याइएको प्रहरी निरीक्षक लुंगेलीले जानकारी दिनुभयो । घटनाका विषयमा थप अनुसन्धान पनि भइरहेको उहाँले बताउनुभयो ।
